El pasáu 24 de marzu, l’Asamblea Ciudadana de Somos Carreño sofitó, por unanimidá, la propuesta d’alcuerdu ente la nuesa fuerza política y la d’Izquierda Xunida de Carreño.
D’esta manera, configuramos un nuevu espaciu de confluencia progresista que naz con un claru oxetivu: ganar l’alcaldía ya impulsar un cambéu de gobiernu en Carreño.
Somos Carreño nació como agrupación d’electores nel añu 2015 al calor del movimientu 15M. Un tiempu nel que grandes movilizaciones ciudadanes rebelábense contra una democracia decadente y xuna xestión de la crisis económica que dexaba na cuneta a munches persones mientres se rescataben bancos en quiebra.
Inspiraos nun creciente movimientu municipalista, dende’l nuesu entamu siempres fuimos un espaciu d’alcuentru. Consiguimos xuntar fuerces de distintes persones y sensibilidaes polítiques con una aspiración común: meyorar les condiciones de vida de la mayoría de la xente.
La coalición que presentamos estos díes con ilusión ye un pasu más nesi camín.
Porque avanzamos col mesmu espíritu que nos fixo salir a les cais y entrar con fuerza nes instituciones pa camudar les coses.
Porque tamos seguros que sumando, vamos ganar Carreño.
