7 HORROS Y PANERES VAN BENEFICIASE DE LA CONVOCATORIA D’AYUDES A LA RESTAURACIÓN PROPUESTA POR SOMOS CARREÑO

Na pasada Comisión d’Urbanismu del mes d’avientu aprobose la concesión de subvenciones pal arreglu y restauración d’horros y paneres de Carreño. Del total de les 10 propuestes presentades, finalmente fueron siete les que cumplieron los criterios afitaos nes bases de la convocatoria, con un presupuestu total subvencionable de 33.000 euros. La partida que’l gobiernu municipal reservó pa esti fín, yera de 15.000 euros, polo que al final, les actuaciones nun pudieron llegar al máximu subvencionable del 60% de la inversión, quedándose finalmente l’ayuda nun 44% de los presupuestos presentaos.

Sicasí, la valoración que facemos ye positiva por ser la primer vez que se da una convocatoria d’auyudes nesti sen y pola importanica que tien dar un pasu, aunque sea pequeñu, na conservación y recuperación del patrimoniu arquitectónicu del conceyu.

Vista la bona acoyida que tuvo esta primer esperiencia, Somos Carreño espera qu’en próximos exercicios la convocatoria se mantenga y aumente la dotación presupuestaria destinada.